Стела Мекартни донесе одлука да ги земе придобивките што ги нуди државата поради кризата од коронавирусот, но предизвика бес во јавноста, бидејќи нејзиното богатство се проценува на 60 милиони фунти.
Модната дизајнерка отпушти стотици свои вработени поради вонредната ситуација, а оние кои ги задржала, ги замолила да ја сфатат дека мора да им ги намали примањата додека трае пандемијата.
„Тоа што го направи е морално неправедно и друштвено неприфатливо“, изјави еден од нејзините вработени кој добил отказ.
Богатството на Стела Мекартни инаку се проценува на повеќе од 60 милиони фунти. Многу нејзини вработени истакнаа дека очекувале многу повеќе од неа, но не покажала никаква лојалност во овие тешки времиња.
