Британскиот Guardian за совет ги прашал луѓето чија работа се занимава со алкохолот.
Доколку и вие за Нова година претеравте со забавувањето, па ве мачи мамурлак, ви прикажуваме совети од професионалци како да се сносите со таа болка. Британскиот Guardian за совет ги прашал луѓето чија работа се занимава со алкохолот (и неговите последици), од сомелиери до сопственици на клубови. Еве ги нивните тајни.
1. Лиснато тесто
„Ништо не е подобро од лиснато тесто со малку путер, доколку сте имале луда вечер. Фини се и топли, а лесно се прават“, вели менаџерката на Fox and Goose Inn, Хана Турман.
2. Кобасици
Куварот и сопственик на Star Inn, Ендру Перн, советува малку поекстремна варијанта, пржени кобасици и јајца. Доколку можете да го пробате ова, можете се била неговата логика. „Тоа е доручек за кралеви“, истакнал тој.
3. Пржени лепчиња
Сопственичката на пабот Cleveland Armis, Марија Тамандер препорачува пржени лепчиња. Состојките веќе ги имате дома и лесно е да се направат. Се што ви треба е стар леб, јајца, млеко, малку сол и црн пипер.
4. Пенливо вино
Ејми и Данкан Финдландер, сопственици на винскиот бар во Единбург, сметаат дека лекот за премногу вино е уште повеќе вино! Пенливите вина, тврдат тие, не се агресивни и ќе ви ја олеснат главоболката, особено доколку ги конзумирате ладни.
5. Мичелада
Ерик Вик, менаџер на еден бар во Лондон, препорачува Мичелада, мексикански коктел сличен на Bloody Mary. За него ви треба пола литро лесно пиво, малку сол и кори од портокал, пола лажичка соја сос и 70 грама густ сок од домат.
„Освежувачки е и ќе ве направи да се чувствувате подобро“, тврди Ерик.
6. Смути
Доколку ви е мака од помислата на храна, Џејмс Билингтон, менаџер на бар во Јоркшир, советува да се послужите со смути. Тој го препорачува она во кое ќе измешате една банана, лажичка мед, 10 листови спанаќ, 125 милилитри сок од портокал, малку лед и јогурт.
7. Рамен
Оли Хусмајер советува јапонски нудли како брз и хранлив оброк кој можете да го збогатите со месо и зеленчук, а спремен е за само неколку минути.
8. Кампари и кафе
Сомелиер Џош Касел се колне во напитокот во кој ќе додадете еднаква количина на кафе и Кампари.
9. Bloody Mary
Популарниот коктел со сок од домати, лут сос, чили, ѓумбир, лимонска трева и вотка е идеалниот лек, советува сопственикот на гастропабот во Лондон, Џо Сверс. Доколку тоа ви звучи прекомплицирано, Џо има уште еден совет: „Испијте го последниот пијалак кој сте го пиеле претходната вечер доколку се сеќавате. Мене тоа секогаш ми помага“.
