Едно четиригодишно девојче стана херој на интернет, откако се појави снимка на која таа го изнесува својот став за луѓето кои панично купуваат храна за да имаат доволно резерви за време на самоизолацијата, која е на сила поради коронавирусот.
Видеото набргу стана вирално, а на Фејсбук го објави мајката на девојчето Џен Лег, пишува „Инди100“.
Девојчето на снимката се однесува како возрасна личност, на која не и се верува како толку бргу ги снемува продуктите со храна од продавницата.
'It's a joke!!!' 4 year olds anger at people stockpiling pic.twitter.com/maZvMh3pLJ
— Giles Paley-Phillips (@eliistender10) March 20, 2020
„Нема да остане храна ако однесете се“, „Ако доаѓаш за да си купиш храна за вечера, зошто тогаш ја земаш целата храна?“, „Ова сигурно е шега“, гласат само некои од одговорите на малото девојче, кои ги воодушевија корсниците на социјалните мрежи, кои се согласни со неа.
Таа зборува и дека сите оние кои панично купуваат треба да бидат затворени, односно дека треба да се уапсат.
