Кога се појавија на модната сцена предизвикаа поделени мислења и лавина од коментари. Додека некои жени ги обожаваа, други ги сметаа како одраз за лош стил.
Мистериозно исчезнаа, а оваа сезона се враќаат на големата врата на модната сцена и изгледа дека ќе бидат еден од водечките трендови. Дизајнерите велат дека тие не се за секоја жена и доколку не се искомбинираат на правилен начин можат да го уништат цел аутфит.
Станува збор за чевлите со висока платформа! Додека за време на претходните сезони главно беа популарни сандала-платформите и чевли-платформа, оваа година може да се очекуваат разни варијанти: од сандали, папучи, до патики и кондури со платформа, како и комбинација на високи штикли и платформа.
Исто така, тоа што ќе биде посебно популарно е дека отворените летни чевли со платформа ќе се комбинираат со чорапи, за што модните вкусови се повторно поделени.
