Најсакапата венчаница на сите времиња чинела милион долари, а во продолжение ќе ги видите и останатите екстравагантни модели. Некои од славните дами кои ги носеле најскапите венчаници на сите времиња, помеѓу останатите се и Ким Кардашијан, Амал Клуни и Кејт Мидлтон.
Венчаницата која се наоѓа на 5-то место е онаа на Грчката принцеза која носела уникатен дизајн на Валентино. Дури 25 личности го правеле фустанот на Мари Шантал Милер кој бил украсен со бисери, а чинел 225 илјади долари.
Амал Клуни на својата венчавка со Џорџ Клуни, носеше фустан од Александар Мекквин, кој само за неа бил дизајниран од страна на Сара Буртон. Венчавката чинеше 4,6 милиони долари, а само мал дел од буџетот беше издвоен за венчаницата која чинеше 380 илјади долари.
Кралската венчавка за која со сигурност ќе се збори со децении е таа на Кејт и Вилијам, која ја пренесуваа сите телевизии. За фустанот на Кејт Мидлтон сите имаа нешто да кажат, бидејќи прекрасно и прилегаше на Кејт. Војвотката носела фустан со потпис на Сара Буртон од Александар Мекквин, а чинела 400 илјади долари.
Ким Кардашијан за својата венчаница потроши 500 илјади долари, а ја дизајнираше Рикардо Тисци за Живанши. Покрај фустанот таа одвои и прилично голем дел за штиклите од Балмаин кои чинеа 40 илјади долари.
Венчаницата која се наоѓа на прво место и ја носи титулата за најскапа е онаа на австралиската пејачка и наследничка Викторија Сваровски. Таа беше украсена со 500 илјади кристали и ги остави сите без здив.
