Приватното писмо кое војвотката му го пратила на нејзиниот татко Томас Маркл, заврши на суд, пишува Гардијан.
Tаблоидот „Мејл он сандеј“ и издавачката куќа „Асошиејтед њуспејперс“ се обвинети дека незаконски објавиле делови од приватното писмо кое Меган му го пратила на својот татко и во кое се жалела поради начинот на кој тој се однесува со неа.
„Тато, моето срце е скршено. Те сакам. Имам само еден татко. Престани да ме жртвуваш во медиумите за да можеме да ја поправиме врската“, беше дел од писмото што го објави „The People“.
Магазинот ќе тврди дека објавувањето на ова писмо е „оправдано и легитимно, бидејќи постои јавен интерес за личните односи на членовите на кралското семејство“ и дека Томас Маркл имал потполно право да ја раскаже својата верзија за она што се случило меѓу него и неговата ќерка, вклучувајќи ја и содржината на писмото.
Таблоидот тврди дека војвотката не можела да очекува дека содржината на писмото ќе биде приватна.
Доколку биде поткренат случај, Меган и нејзиниот татко можно е да бидат повикани да сведочат јавно еден против друг.
