Овој начин на родителство подразбира децата да се третираат како возрасни и да ги носат сите одлуки самостојно, без оглед на нивната возраст.
Адел Ален (36) од Велика Британија стана позната во јавноста кога нејзината ќерка изврши „мала нужда“ во студиото за време на снимањето на јавна емисија, а сега ги откри сите необични навики и начини на одгледувањето на своите деца и стана една од најконтроверзните мајки, пренесува „Сан“.
Нејзиниот сопруг Мет (36) и таа имаат три деца, Улисес (6), Остара (4) и Кај (1), кои ги воспитуваат на начин на кој сите одлуки за својот живот децата ги донесуваат самостојно. Но, Адел откри уште една работа, почнала да ги дои своите деца пред 10 години и сè уште не престанала, бидејќи ги дои најмалку до шестата година. Таа не верува во замените на мајчиното млеко. Најмногу проблеми имала со Улисес, затоа што тој не сакал да го прифати нејзиното млеко, но таа се потрудила тој, сепак, да јаде. Но Адел доби најмногу критики кога откри дека сè уште го дои својот шестгодишен син.
Мет исто така доби многу критики кога откри дека смета дека работењето не му е во план, туку дека тој и неговото семејство се среќни затоа што живеат од помошта на државата.
– Главно тоа е помош, но ние земаме најмалку пари, само за сместување и за децата. Мислам дека тоа се 190 фунти неделно. Навистина мислам дека не го искористуваме системот – рекол Мет.
Адел и Мет им дозволуваат на децата сами да одлучуваат за себе, вклучувајќи го и времето кога ќе одат на спиење (често околу полноќ), дали да ги измијат забите (понекогаш) и дали воопшто да одат на училиште (никогаш). Децата, без оглед на возраста, се третираат како возрасни, па сами одлучуваат што да прават со својот ден. Нивните деца не примиле никакви вакцини, затоа што Адел не верува во нив, туку вели дека ќе го примаат само она што мораат доколку одат во земја погодена од маларија.
Кучето го храни со своето млеко
Тие исто така не веруваат ни во болници, но признаваат дека би отишле на лекар само ако е во прашање живот и смрт.
– Децата би ги однела во болница само ако е итно и мислам дека не можам сама тоа да го решам. Телото има свој имунолошки систем за борба против болестите и јас верувам во тоа – рекла Адел.
Покрај контроверзиите со одгледувањето на децата, Адел ги шокираше луѓето кога откри дека таа на кучето му го дава своето млеко додека е болно, како лек за неговите проблеми.
