Ресите се вратија повторно во мода и се најавени како еден од водечките трендови за претстојната пролет/лето сезона.
Заводливите реси кои „играат“ околу жената со секој потег, ги маѓепсаа и најпознатите ѕвезди, па затоа имавме можност да ја видиме Шерлиз Терон со нив на гала свеченоста за Оскарите, додека Хајди Клум ги носеше кон крајот на минатата година исто така на една свеченост.
Сега не успеа да им одолее ниту славната манекенка Наоми Кембл, која во ефектниот фустан со реси се појави на БРИТ наградите
Станува збор за креација од Џулиен Мекдоналд, која е претставена минатата година во склоп на колекцијата пролет/лето 2020 година.
Сребрената боја на интересниот фустан совршено и прилегаше на Наоми, покрај темниот тен и коса, а нескротливите реси во разни должини кои неуморно се „движеа“ по телото на манекенката, направија сите погледи да бидат вперени во „црната пантерка“.
