На Јутјуб е објавено видео на кое се гледаат пејачот Џастин Бибер и водителот Џејмс Корден за време на снимањето на телевизиската емисија „Карпул Караоке“. На снимката се гледа и дека Корден не го вози автомобилот, туку дека него го влече камион!
Ова наиде на големи критики кај американската јавност, бидејќи концептот на емисијата се води по тоа водителот и неговиот гостин заедно да пеат песни, додека Корден вози.
Критичарите сега сметаат дека, ако Корден лажел за ова, кој знае уште колку други измислици се кријат зад оваа емисија.
„Се чувствувам изневерено“, напишал еден обожавател на Корден на својот Твитер профил.
„Се немам почувствувано вака предадено уште откако дознав дека Дедо Мраз не постои“, гласи друг коментар.
Критичарите тврдат дека ќе има и такви кои ќе го оправдуваат овој скандал, зборувајќи дека тоа е стандардна пракса во телевизиската индустрија.
– Убавината на емисијата не е во пеењето. Тој дел беше ужасен. Никој не сака да слуша како пеењето и вриштењето на Корден гуши глас на професионален пејач. Го гледавме „Карпул Караоке“ од иста причина поради која следиме лизгање на мраз. Стравувавме од возењето со автомобил во состојба на толкава нефокусираност – смета Стјуарт Херитаџ од „Гардијан“.
Се чини дека цело време, кога пееја ѕвезди како Адел, Мараја Кери и Бритни Спирс, водителот Корден всушност не возел.
Исто така, кога тој во емисијата му даде да вози на Стиви Вондер, всушност немало никаква опасност.
Од „Гардијан“ сметаат дека тоа е тажно, а гледачите се чувствуваат изневерени и измамени.
Saw James corden and Justin Bieber filming carpool karaoke and this is why I have trust issues — he isn't even driving! pic.twitter.com/bkP9moGJmu
— Zoli ⚡️ (@zolihonig) January 23, 2020
