Половина од светските плажи може да исчезнат до 2100 година поради тешката ерозија која е поврзана со климатските промени, сугерира студијата од спроведеното истражување која е објавена вчера.
Главните причини се зголемувањето на нивото на морето и ерозијата од бурите, а кои според студијата, предупредуваат на „блиско истребување на речиси половина од плажите во светот до крајот на векот“.
Научниците велат дека половина од светските песочни плажи се закануваат дека ќе исчезнат до крајот на векот, доколку климатските промени продолжат со истото темпо.
Дури и доколку човештвото значително ги намали емисиите на штетни гасови, што сега се одговорни за климатските промени, над една третина од песочните крајбрежја се под закана. Нивното исчезнување ќе има последици не само врз туризмот.
-Доколку туризмот го оставиме настрана, плажите во повеќе случаи го обезбедуваат првиот механизам за заштита од бури и поплави. Без плажите последиците од екстремните климатски настани веројатно ќе се поголеми. Треба да се подготвиме за тоа, изјави Михалис Вусдукас од Заедничкиот истражувачки центар на Европската комисија.
Плажите заземаат над една третина од крајбрежните појаси во светот и во серија случаи се наоѓаат во густо населени региони. Тие се под закана од ерозија на почвата на која интензивно се гради, од зголемување на нивото на морињата, бурите….
Студијата покажа дека Западна Африка ќе доживее некои од најлошите загуби, каде што повеќе од 60 проценти од песочните брегови можат да се изгубат во земји како Гамбија и Гвинеја-Бисао.
Австралија можеби да е најмногу засегната од оваа појава, бидејќи нејзиниот појас од плажи има должина од речиси 15.000 километри, а тие може да исчезнат за 80 години. По Австралија следат Канада, Чиле, САД, Мексико, Кина, Русија, Аргентина, Индија и Бразил.
Експертите проучувале два сценарија – најлошото, во кое емисијата на штетни гасови ќе продолжи со истото темпо, и второто, поврзано со ограничување на климатското загревање за 3 степени Целзиусови. Во најлошото сценарио ќе исчезнат 49,5 отсто од плажите, односно песочните крајбрежни појаси со должина од околу 132.000 километри. Во вториот случај ќе биде засегната плажи во должина од 95.000 километри.
„Нивото на морето се зголемува со забрзана стапка во последните 25 години и ќе продолжи да го прави тоа со климатските промени“, се вели во студијата.
„Постои јасна причинско-последична врска помеѓу зголемувањето на нивото на морето и повлекувањето на брегот, што укажува на засилени проблеми со ерозијата на крајбрежјето“.
Резултатите од ова истражување во целост ги објави Nature Climate Change.
