Новогодишната еуфорија веќе започна и новогодишните украси се веќе извадени во нашите домови. Еден од омилените делови во украсувањето на домот е китењето елка.
Новогодишната елка треба да ја позиционирате на исток, југ или југоисток бидејќи тоа се позиции на кои се привлекува здравје, слава и пари.
Една од најважните работи што треба да ги запамтите при местењето на елката е да ја оддалечите барем еден метар од какви било греалки, печки, радијатори и камини. Колку подолго се наоѓа елката близу силен извор на топлина, толку поголеми се шансите за несреќа или палење на елката.
Одбегнете да ја ставате елката директно до прозорец. Не само што на тој начин ќе пречите на редовното проветрување на домот, што е многу важно во текот на зимските месеци, туку и ќе го намалите продорот на природна светлина во преостанатиот дел од домот.
Недостатокот на светлина во текот на зимскиот период може да предизвика безволност, ослабена концентрација, нарушување на сонот и слични проблеми, наведува едно истражување.
