Американската манекенка Каксми Брутус почина во 30-тата година од животот, по долга борба со рак на коските. Ќе остане запаметена по неверојатната храброст, одважност и позитивност, како и заложувањата за развој на инклузивната мода.
Родителите на Каксми на Инстарграм потврдија дека манекенката ја изгубила битката со болеста.
Од моментот кога и бил дијагностициран рак на коските, Каксми ги посетувала најдобрите клиники, но туморот сè повеќе се ширел по нејзиното тело поради што било невозможно да се избегне ампутацијата на нозете и коските на карлицата.
Сепак, тоа не ја спречило најнормално да го живее својот живот, а нејзиниот став и убавината се инспирација на луѓето ширум светот.
Пред една недела манекенката на Инстаграм откри дека е хоспитализирана откако и се јавиле болки во стомакот за време на патувањето во Лондон.
Веста за нејзината смрт растажи многу нејзини обожаватели, познати личности и колешки. Во емотивна порака од неа се прости и пејачката Ријана.
