Палестинските власти го открија еден од најголемите подни мозаици во светот во окупираниот град Ерихон на Западниот Брег по долгогодишна реставрација, пренесува „Гардијан“.
Налик на тепих, огромниот мозаик опфаќа 836 квадратни метри во палатата Хишам, која датира од осмиот век
На приказите има лав кој напаѓа елен за да симболизира војна, и две газели кои го симболизираат мирот, како и нежни цветни и геометриски дизајни.
Палатата лежела заборавена со векови додека не била повторно откриена во 19 век и истражена во 1930-тите. Тогаш мозаикот беше откриен под прашината.
Но, тој остана занемарен до пред пет години, кога локацијата беше затворена за посетители кога беа започнати напорите за реставрација финансирани од Јапонија од 12 милиони долари.
„Овој мозаик содржи повеќе од 5 милиони парчиња камен од Палестина, кои имаат природна и карактеристична боја“, изјави Салех Тавафша.
