Во светот денес се одбележува Меѓународниот ден на јогата, кој го започнале UN во 2015 година, а оваа година ќе помине во светло на пандемијата од коронавирусот.
Јогата е древна индијска пракса на саморазвој, која во 2016 година влегла во списокот за нематеријалното културно наследство на човештвото на Организацијата на UN за образование, наука и култура (UNESCO).
Таа пракса од Индија се проширила низ целиот свет и ја практикуваат луѓе од сите возрасти. Помеѓу останатото претставува мешавина на физички вежби, медитација, контролирано дишење и други техники кои го смируваат телото и умот, но и ја намалуваат болката.
Индискиот премиер Наренда Моди е голем следбеник на јогата и во неколку наврати рекол дека благодарение на неа може да работи прекувремено и дека му се доволни само 4 до 5 часа сон.
Моди во ноември 2014 година го именувал првиот министер за традиционална медицина која подразбира јога, ајурведа и хомеопатија.
Индискиот премиер минатата година на 21 јуни заедно со 40 илјади луѓе во Индија практикувал јога. Тој оваа година поради коронавирусот ги повикал граѓаните да вежбаат јога во своите домови, наместо колективно и на отворено.
