Денот на јаболкото се слави насекаде низ светот, некаде на 20, некаде на 21 октомври. По тој повод споделуваме некои занимливи факти за јаболката.
Кина е најголемиот производител на јаболка и има 63,63 отсто од светското производство на ова овошје.
Во 2021 година во Европската Унија се произведени околу 4 милиони тони јаболка, што е за 13 отсто повеќе од 2020 година.
Полска е на прво место по извоз на јаболка во ЕУ, а потоа следат Италија и Франција.
Најголемата плантажа на јаболка, Chazy Orchards, првично била засадена во 1920 година и е историски дом на најголемиот овоштарник на сортата Мекинтош во светот.
Најскапи се јаболката Black Diamond кое се продава по цена од 7 до 20 долари и јапонското Sekai Ichi кое се продава за 21 долар.
Најслатко е јаболкото Fuji, кое спаѓа во групата на највкусни заедно со Honeycrisp, Pink Lady, Ambrosia и Cox’s Orange Pippin.
Најкрцкаво е Sweet Tango. Неговите клетки се поголеми и тоа му дава совршен звук кога се јаде. Затоа со своите 79,1 децибели го освои и Гинисовиот светски рекорд за најгласно крцкање.
Во светот постојат 7.500 сорти јаболка.
Јаболкото потекнува од областа помеѓу Каспиското и Црното Море и било омилено овошје на старите Грци и Римјани.
Најтешкото јаболко тежело 3 килограми.
Една јаболкница од семе може да доживее 100 години.
Сортата Lady или Api се смета за најстара.
Јаболката плутаат во вода, бидејќи воздухот сочинува 25 проценти од плодот.
Имаат 5 до 6 семки кои содржат малку цијанид.
Александар Македонски ги донел во Европа од неговото патување во Казахстан каде што нашол џуџести јаболка.
Јаболкницата може да порасне од 1,8 до 5 метри височина.
За создавање на еден плод потребни се 50 листови кои го снабдуваат со храна.
Цветовите на јаболкото се симбол на женската убавина, а плодот е симбол на здравјето, љубовта и плодноста.
На кинескиот јазик зборот пинг значи јаболко, но и мир.
Малусдоместикафобија се нарекува стравот од јаболка.
