За време на неодамнешната посета на регионот Пула, свршеницата на премиерот Џузепе Конте, Оливија Паладино, беше фотографирана со чанта која можеше да предизвика вистински скандал.
Имено, интернет-корисниците напишаа под фотографијата на Конте и неговата свршеница дека чантата која таа ја носи е од брендот „Хермес“ и е наречена „Кели“, а нејзината цена надминува 81.000 евра.
Лажните вести веќе се раширија на социјалните мрежи и предизвикаа претежно огорченост, затоа што многумина сметаа дека во време на криза не е пристојно да се „расфрла“ со луксузни предмети, пишува неделникот „Ки“, а пренесува „Танјуг“.
Неделниот весник, кој претежно го следи животот на јавни личности и озборувања, објасни дека сепак не станува збор за оригиналната чанта „Кели“, туку и ефтина имитација.
Чантата била купена во продавница во Рим, има свој дизајнер, чини 150 евра и се разликува од оригиналот во многу детали што списанието детално ги навело и анализирало.
