Фрижидерот е место каде што се складира различна храна. Токму таа храна ставена на едно место, предизвикува и мешање на мириси, кои можат да предизвикаат чувство на непријатност при секое отворање на вратата на фрижидерот.
За да ја спречите ваквата појава, направете освежувач за во фрижидер.
Kога ќе го исчистите фрижидерот и убаво ќе ги избришете полиците, пред да ги вратите намирниците на место, посипете по целата површина на фрижидерот сода бикарбона. Потоа затворете ја вратата и оставете така да отстои околу 30 минути. Откако ќе помине потребното време, отворете го фрижидерот и повторно пребришете го за да ја отстраните сода бикарбонатата.
Потоа вратете ги намирниците на свое место.
За да се осигурите дека мирисот на чисто ќе трае и во следните неколку дена, во некој мал сад ставете сода-бикарбона и оставете ја да стои во фрижидерот. На тој начин ќе спречите ширење на лоши мириси секогаш кога ќе посегнете по нова храна во фрижидерот.
