Ако сакате долната облека да ви биде во виолетова, зелена или небесносина боја, тогаш тоа значи дека сте полни со љубов и сте секогаш оптимистични.
Жените кои ги носат овие бои го задржале деталниот шарм и околината ги доживува како неодоливи. Тие Сакаат да се забавуваат и секогаш се во потрага по нови авантури.
– Бојата која ја носите многу зборува за вашата личност – објаснува психологот Карен Халер. Според неа, боите влијаат на расположението и однесувањето, без разлика дали сте свесни за тоа или не, а влијаат и на тоа како другите ве доживуваат.
Бојата на долната облека открива каков љубовник сте во кревет, а комбинацијата на интересни бои може дополнително да ви го зачини сексуалниот живот.
Жолт градник носат жените кои му се верни на партнерот и бараат нежност, а жените кои преферираат црвено сакаат возбуда и експериментирање на нови работи во спалната соба.
Амбицијата се крие зад мистичната црна боја
Црната боја открива храбра и амбициозна жена која не се плаши да преземе водство. Наклонета е кон класичниот стил и не ги следи модните трендови. Оваа жена посакува партнер на подолги стази, што не значи дека ќе прифати монотонија во врска.
Природната убавина на прво место
Белата боја означува невиност, страст и скриени тајни, но исто така често се наоѓа и на репертоарот кај жените кои сакаат да ја истакнат својата природна убавина. Оваа боја ги карактеризира жените кои се смирени и сериозни, како и оние кои постојано се грижат за партнерот, односно не стравуваат од сопствените емоции.
Сите нијанси на страст се вткаени во црвено
Црвената долна облека повикува на страст. Жените кои се љубители на оваа боја немаат време за романтични игри, туку сакаат ентузијазам во кревет. Тие можат да бидат драматични или зависни од партнерот, но тоа е дел од нивниот шарм.
