Венди Суен, 50-годишна жена од Кина, е опседната со снежни топки. Таа го освои и Гинисовиот рекорд за најголема колекција на предмети во светот.
Собира снежни топки веќе 20 години, а од 2005 година го држи светскиот рекорд. Таа има 4.238 снежни топки, на кои потрошила околу 165.000 долари. Нејзината љубов кон симпатичните предмети започнала кога нејзиниот сопруг Рејмонд Чунг ѝ ја купил првата снежна топка.
„Тоа беше снежна топка за мачка, со глушец внатре, но тоа е компјутерско глувче од 24-каратно злато“, рекла колекционерката Венди Суон. Додала дека е љубител на мачки, а нејзиниот сопруг е роден во годината на глушецот според кинескиот хороскоп.
„На почетокот немав толку топки, па се фокусирав на количината. Подоцна, кога мојата колекција достигна бројка од 3.500 снежни топки, останав без простор во станот, па собирам само вредни и необични топки“, вели Суен.
Суен ги чува сите снежни топки во соба од 20 квадратни метри во својот дом во Хонг Конг.
