17.8 C
Скопје
06:40 - 30 јуни, 2022

Официјално е: кучињата се попрецизни и побрзи од ПЦР тестовите во откривањето на Ковид

Веќе некое време се веруваше, а сега тоа го потврдува и новата студија: кучињата ги наоѓаат заразените со Ковид подобро од брисевите (и на помалку досаден начин!).

Кучињата се поефикасни и побрзи од брисевите и ПЦР тестовите во откривањето на ковид: ова е потврдено со поголема студија од претходните, во која учествувале 355 волонтери и обучени кучиња од француските противпожарни станици и од Министерството за внатрешни работи на Обединетите Арапски Емирати.

Според истражувачите, нашите пријатели со четири нозе би можеле да помогнат во спроведувањето на масовниот скрининг кај популацијата побрзо и помалку инвазивно од моментално користените назални тестови. Резултатите од студијата беа објавени во PLOS ONE.

Научниците тренирале неколку кучиња да мирисаат примероци од човечка пот, земени од различни делови на телото и да седнат кога ќе почувствуваат присуство на коронавирус. Од 355 волонтери, 192 биле препознаени како позитивни од кучињата, од кои 31 биле тотално асимптоматски.

Њушкањето на кучињата било 97% точно во препознавањето на веќе позитивните луѓе, а дури 100% во идентификувањето на асимптоматски (или пресимптоматски) луѓе.

„Една од главните предности на користењето кучиња наместо тестирање е фактот дека резултатот од душкањето е моментален“, вели Кенет Фуртон, форензички хемичар од Меѓународниот универзитет во Флорида во Мајами, кој не бил дел од студијата.

Научниците не знаат што точно мирисаат кучињата кај луѓето со Ковид: тоа можеби не е ниту една хемикалија во потта на пациентите, туку збирка на различни ароми чие ниво постојано расте и опаѓа.

„Нема ’парфем од КОВИД’“, иронично коментира Синтија Ото, директорка на центарот за кучиња на Факултетот за ветеринарна медицина на Универзитетот во Пенсилванија.

Обуката, слична на онаа на кучињата против експлозив, трае од три до шест недели, врз основа на искуството на животното: ова, заедно со недостаток на веќе обучени кучиња да детектираат присуство на експлозив (а со тоа се и побрзи во учењето) е едно од главните недостатоци на користењето на овие животни како „биолошки сензори“ за масовен скрининг, барем засега.

Слични објави

За сексуално и психичко злоставување жени: Пејачoт Ар Кели осуден на 30 години затвор

Еспресо

Ева Лонгорија за абортусот во САД: „Ние жените нема да молчиме; требаше Обама да именува нови судии, а не Трамп“

Еспресо

„По разделбата со Џони Деп ги собирав деловите од својот живот, не се грижев за себе“, Винона Рајдер отворено за своите мрачни периоди од животот

Еспресо

Сузана Манчиќ прозборе за голите фотографии: Заработив повеќе од кој било во историјата на Плејбој

Еспресо

Од Летиција од Шпанија до Брижит Макрон, Џил Бајден и Елизабета Ѓоргиевска: Најдобрите модни изгледи на гала вечерта на самитот на НАТО

Еспресо

Портпаролот на Џони Деп: „Нема враќање во Пиратите од Карибите“, фановите се разочарани

Еспресо
Се вчитува....