Љубовни пораки пред домот и во поштенското сандаче на Шакира. Разделбата со Пике направи голема врева, а додворувачите на колумбиската поп-ѕвезда тропаат на вознемирувачки начин на нејзината врата.
Шакира е во канџите на љубовта. Го откри неверството на нејзиниот поранешен партнер, фудбалската ѕвезда Пике, и сега чекајќи ја преселбата во Мајами, поп-ѕвездата живее во Барселона со двата сина Милан и Саша. Откако секој си тргна по свој пат, Шакира е „сингл“ и сосема посветена на децата, а Пике продолжува со страсните ноќи и забави.
Вечерта меѓу недела и понеделникот улицата пред куќата на колумбиската ѕвезда се претвори во дневник на љубовни фрази: „Те сакам убава жено“, „Дојдов овде за тебе, љубов моја“, „Подготвен сум да се омажи за тебе во овој момент и да те поддржам“… Дузина изјави на љубов за Шакира, потпишани од извесен Алекс кои ја вознемириле ѕвездата до толку што повикала полиција.
И не само таа ноќ. Претходните денови извесен маж – не се знае дали е истиот човек – оставил љубовно писмо во поштенското сандаче на Шакира.
За Шакира продолжувањето да живее во Барселона без Пике, особено по последните случувања, изгледа како коцкање и постои реална можност поп ѕвездата брзо да донесе одлука да ја напушти Шпанија. Милан и Саша би заминале со мајка си, но не е исклучено Шакира да биде притисната од судот децата да мора да останат да живеат во близина на таткото. Правна битка, доколку започне, ќе биде вистински кошмар и за двете ѕвезди, а особено за децата.
