Секој барем еднаш во животот доживеал скршено срцe.
Клер Бирн (40), експерт за љубовни врски и личност која им помага на многу жени и мажи со нејзините совети за справување со болката по раскинувањето, открива пет клучни чекори кои ќе ве натераат што побрзо да застанете на нозе.
Прекинете секаков контакт
– Закрепнувањето од раскинувањето започнува со првиот и најважен чекор – целосно прекинување на секаков контакт со бившиот љубовник, дури и со неговите пријатели. Ако сакаш да се подобриш и да продолжиш со животот, тогаш треба да престанеш да ја следиш својата поранешна љубов и сите заеднички пријатели на социјалните мрежи, објаснува Клер.
ЉУБОВТА Е ПОВЕЌЕ ОД ИНСТИНКТ: Ова се трите теории за љубовта на големиот Фројд
Плачете и тагувајте колку што ви треба
– Луѓето со скршено срце се обидуваат да продолжат пребрзо и не си даваат доволно време да се опорават. Само дозволете си тага и можност свесно да ја почувствувате, бидејќи ако не го направите тоа и не ја потиснете болката, тогаш таа ќе излезе од вас, но на некои други, непожелни начини, додаде таа.
Размислете добро за сè
Третиот чекор се однесува на соочување и учење, односно размислување за себе и сопственото влијанието на таа врска и нејзиниот прекин.
– Овој чекор е да се запрашате: „Како сакам да размислувам и да се чувствувам за сè што се случило во нашата врска?“ „Кои се моите заклучоци од сето ова?“, објаснува експертката за скршени срца.
Заљубете се во себе
– Морате да се сакате себеси, бидејќи во спротивно ќе имате слична ситуација во нова љубовна врска. Длабоко верувам дека сите нас нè привлекуваат одреден тип на луѓе поради нашиот однос со себе и дека овие луѓе не се нужно добри за нас, рече таа.
Најдете некој подобар
– Откако ќе бидете подготвени повторно да се заљубите, избегнувајте го истиот тип на партнер со кој сте биле претходно. Бидете искрени и признајте си што сакате од новиот партнер и таа врска.
