Ладно пиво во текот на летото, „привлечно“ како за луѓето, така и за комарците. Според резултатите од една јапонска студија, луѓето кои пијат пиво се попривлечни за комарците.
Бидејќи тие сакаат овошни и цветни мириси, „крафт“ пивото е особено привлечно за комарците. Тајната е во јаглеродниот диоксид што го чувствуваат на десетици метри, зголеменото ниво на етанол во потта и повисоката телесна температура, пренесува „N1“.
Со ладно пиво секогаш оди и скара особено за викендите. Чадот ги „гуши“ нивните сетила, што им отежнува да ве најдат. Ако сте некаде во природата каде што можете да запалите оган, корисно е да додадете билки што ќе ги избркаат, како што се лаванда, рузмарин или босилек.
Темните бои повеќе ги привлекуваат
Кога носиме потемна облека, комарците подобро не гледаат. Значи, ако сакате да бидете невидливи за нив, заборавете на црната или другите потемни бои. Белите ленени кошули или лесните светли маички се подобар избор отколку потемните парчиња облека.
Лична хигиена
Ако заборавите на дневната рутина при извршување на хигиенските навики, ќе бидете попривлечни за комарците, кои се особено среќни и доколку сте заборавиле да ставите дезодоранс. Едноставно потта и урината служат како аларм за комарците дека е „време за ручек“.
Стероидите и топлината на телото за комарците се како „роденденска торта“, па затоа не треба да бидете изненадени доколку ве забележат после вечерно трчање или вежбање.
