Четиринаесет финалиња и четиринаесет победи. Рафа Надал го победи Каспер Руд во Париз. За Шпанецот тоа е 22. титула на слем. Гласините и најавените прес-конференции сугерираа дека можеби е последна, но тој со кратка изјава попедата како се да демантираше – „подготвен сум уште да се борам!“.
Шпанскиот тенисер Рафаел Надал го освои Ролан Гарос. Надал по 14-ти пат во кариерата го подигна славниот „Куп на мускетари“, бидејќи во големото финале во Париз го победи Норвежанецот Каспер Руд со 6:3, 6:3, 6:0.
По последниот бод во финалниот меч против Норвежанецот, популарниот Рафа се фати за глава и го фрли рекетот. Како да не можеше да поверува што се случило.
Надал ја освои 22. Грен слем титула. Шпанецот стана и најстариот шампион на Ролан Гарос во историјата на турнирот.
King of Clay x 14 👑@RafaelNadal remains undefeated in Paris finals, conquering Casper Ruud 6-3, 6-3, 6-0 for a 14th title#RolandGarros pic.twitter.com/GctcC17Ah8
— Roland-Garros (@rolandgarros) June 5, 2022
