Глобалното затоплување и топење на глечерите е сериозен проблем што може многу добро да се види со помош на алатката дизајнирана од НАСА која предвидува кои градови ќе бидат поплавени поради топењето на глечерите предизвикани од глобалното затоплување…
Научниците во „формулата“ го ставиле ефектот на гравитацијата на Земјата и нејзината ротација за да предвидат како ќе се „прераспредели“ водата низ целиот свет.
„Алатката за секој град дава јасна слика за тоа кои глечери се од особено значење“, изјавил за „Би-Би-Си“ еден од научниците вклучени во студијата.
Истражувањата покажаа дека од топењето на големите ледени плочи на западниот дел од Гренланд треба да стравува Европа, заедно со Лондон и Дубровник и Тромсe, Осло, Атина, Сиракуза, Марсеј, Гибралтар и Брест.
Научните податоци покажуваат дека топењето на глечерите имало влијание врз зголемувањето на нивото на морето во текот на 20 век, а во 21 век тоа влијание се зголемило уште повеќе.
