Марина Петровска е велнес-советничка и менторка, која преку сопственото искуство сфатила дека грижата за себе не е привилегија, туку неопходност. Низ годините, преку личното искуство и работата со жени, дошла до бројни сознанија за здравите навики и промените што можат да донесат подобар квалитет на живот. Со нашите читатели ќе споделува дел од своите искуства и совети, со желба да им помогне и на другите да направат чекор кон промена и подобар однос кон себе.
Во првиот текст го отвора прашањето со кое се соочуваат многу жени – зошто, и покрај трудот, килограмите не се намалуваат?
– Во секојдневната работа со жени, често слушам…
„Јас речиси и не јадам, а килограмите не се намалуваат.“
Ова е една од најчестите реченици што ги слушам од жените со кои разговарам, а морам да признаам дека и јас често ја изговарав.
И речиси секогаш, проблемот не е во недостатокот на волја.
Неуспехот најчесто не доаѓа затоа што не се трудиме, туку затоа што се обидуваме да направиме премногу големи промени за премногу кратко време.
Денес има безброј диети, совети и „магични“ решенија.
Некои гладуваат.
Други целосно ги исфрлаат омилените намирници.
Трети вежбаат интензивно неколку дена, а потоа се враќаат на старите навики.
Но, телото не сака казни.
Телото сака континуитет.
Во мојата работа научив дека најголемите резултати не ги постигнуваат луѓето кои прават совршени планови.
Туку оние кои секој ден прават по еден мал чекор.
Подобар појадок.
Повеќе вода.
Малку повеќе движење.
Поддршка од некој што ќе биде со нив кога мотивацијата ќе исчезне.
Затоа не верувам во брзи диети.
Верувам во создавање навики што можат да станат дел од секојдневниот живот.
Кога ќе се променат навиките, резултатите доаѓаат како природна последица.
И уште нешто…
Не дозволувај вагата да биде единственото мерило за успех.
Понекогаш прво ќе почувствуваш повеќе енергија.
Потоа подобар сон.
Повеќе самодоверба.
А токму тие мали победи се почеток на големата промена.
Запомни – слабеењето не е цел. Целта е да создадеш начин на живот во кој ќе се чувствуваш добро, секој ден.
Која е едната мала навика што можеш да ја промениш уште денес?
