Милениумците создаваат проблем во американската мафија. Да, добро прочитавте.
Според извештајот на „Wall Street Journal“, постарите мафијаши се жалеле дека младите „надежи“ на мафијата се неверодостојни и дека – премногу пишуваат на своите мобилни телефони.
Наводниот водач на криминалното семејство Колумбо во Њујорк, 87-годишниот Ендрју Рус, бил уапсен минатиот месец, а една од причините за неговиот пад било тоа што тој неуспешно управувал со помладите соработници, изјави поранешниот агент на ФБИ, Скот Кертис, за „Wall Street Journal“.
Долгогодишното микро-управување на Рас покажало недоверба во способноста на мафијашите на пониско ниво, смета Кертис. Неколку поранешни државни истражители додале дека милениумците – мафијаши не функционирале на начин на кој се навикнати нивните високи соработници и дека тоа создава проблем за организациите.
„Постарите членови на мафијата се жалат дека милениумците кои пораснале во предградијата, а не на улиците, се помеки, поглупави и не се лојални како мафијашите од минатото. Покрај тоа, тие секогаш пишувале на мобилните телефони“, пишува новинар на „Journal“.
Токму „испраќањето пораки“ била причината за фаќањето на наводниот водач на семејството Коломбо во канџите на полицијата. Еден од неговите помлади соработници бил обвинет дека испраќал заканувачки пораки додека изнудувал пари. Ова на крајот се покажало како инкриминирачки доказ.
„Сè имаат во нивните телефони“, му рекол на новинарот поранешен член на мафијашкото семејство.
„Иако секојдневната работа на мафијата изгледа малку поразлична од работата на остатокот од светот, проблемите со менаџментот не се толку различни. Милениумците создадоа „нова нормалност“ која е целосно базирана на дигиталното“, продолжува тој.
Овој генерацискиот јаз е толку голем што се чини дека дури и влегол во подземниот свет, каде што „опасните“ луѓе, како што е гореспоменатиот нарко бос, се навикнати на традиционалниот начин на работа и затоа не сакаат да ја отстапат својата моќ на помладата генерација.
Имено, генерациите родени помеѓу 1981 и 1996 година се сметаат за милениумци.
