Популарноста на филмот „Џокер“ е огромна и изразена на повеќе начини, а еден од нив е и популарноста на скалите на кои Хоакин Феникс како Артур Флекс играше во една од сцените. Со #JokerStairs на друштвените мрежи може да се најдат илјадници фотографии и видеа кои туристите и инфлуенсерите ги снимаат токму на тие скали кои се наоѓаат во јужен Бронкс.
Режисерот Тод Филипс барал скали кои ќе ја покажуваат безнадежноста на животот во 80-те години во Њујорк и ги пронашол во една сцена од филмот „Американски гангстер“. Кога ги пронашле токму тие скали, сфатиле дека тие во меѓувреме се поправани и „нашминкани“, па тргнал во потрага по друга локација. Ги барал и ги пронашол во Бронкс, за после премиерата на филмот тие скали станат преполни со туристи кои сакаат да се фотографираат на нив. Тие скали станале толку популарни што ги споредуваат со скалите во Филаделфија по кои трчаше Силвестер Сталоне во филмот „Роки“.
Единствени кои не се среќни се соседите кои живеат во околните згради. Нивниот мир сега е нарушен поради галамата од туристите, а единствено што им се допаѓа е тоа што скалите до неодамна биле валкани и полни со отпадоци, а сега градските служби ги чистат почесто него било кога.
