Џули Лунд (58) не го видела татка си Рајан Ротери (83) 58 години и изгубила надеж дека некогаш повторно ќе се сретне со него. Но, сето тоа се промени кога Џули објави стара фотографија од своето детство во група на „Фејсбук“, пренесува „Би-Би-Си“.
Џули во описот на фотографијата напишала: „Дали некој го препознава семејството на оваа слика? Јас сум бебето во количка и фотографијата е направена околу 1963 година. Ви благодарам многу“.
Била воодушевена кога ја контактирало семејството од фотографијата кое извесно време се грижело за неа додека била бебе.
Но, објавата имаше уште една неочекувана последица…
Џули Лунд немала поим дали нејзиниот татко е сè уште жив и не знаела каде е. Но, охрабрена од реакцијата што ја добила нејзината слика, таа побарала помош и членовите во групата на „Фејсбук“ биле на мисија да го пронајдат нејзиниот татко.
Таа открила дека тој ја посетувал секоја недела кога била бебе и дека бил скршен кога нејзината мајка ја однела од таа област на Британија.
„Мислев дека никогаш повеќе нема да ја видам, се чувствувам толку чудно“, вели Брајан, нејзиниот татко.
„Малку сум тажна поради целото време што го изгубивме, толку пати сме можеле да бидеме заедно, но нема смисла да гледаме назад, можеме само да гледаме напред“, рече Џули.
Нејзиниот татко повтори дека му се случило чудо – иако не верувал во чуда.
