Бившиот гувернер на Калифорнија разговарал со фановите на спортскиот настан „Арнолд класик Африка“, кога еден маж го удрил во грбот.
Напаѓачот е фатен по инцидентот.
Шварценегер на Твитер им се заблагодарил на фановите што се грижат, но додал дека нема причини за грижа.
На видеоснимката која стана вирална на социјалните мрежи се гледа дека Шварценегер позирал за фотографирање на настан во Јоханесбург во саботата, кога човек го удрил во грбот.
And if you have to share the video (I get it), pick a blurry one without whatever he was yelling so he doesn’t get the spotlight.
By the way… block or charge? pic.twitter.com/TEmFRCZPEA
— Arnold (@Schwarzenegger) May 18, 2019
Ѕвездата на „Терминатор“ се засопнала нанапред по ударот, напаѓачот паднал, а од обезбедувањето веднаш го фатиле.
Подоцна бил предаден на полицијата.
Шварценегер со повеќе од 4 милиони негови следбеници на Твитер поделил: „Мислев дека толпата ме турка, што често се случува. Сфатив дека сум нападнат дури кога ја видов снимката како и сите вие.“
Подоцна ги повикал своите фанови вниманието да го насочат на настанот наместо на нападот.
„Овде во Јужна Африка на @ArnoldSports имаме 90 спортови и 24.000 спортисти од сите возрасти и способности кои сите нас нè инспирираат да станеме од кревет. Ајде да ги ставиме во центарот на вниманието“, напишал тој на Твитер.
Thanks for your concerns, but there is nothing to worry about. I thought I was just jostled by the crowd, which happens a lot. I only realized I was kicked when I saw the video like all of you. I’m just glad the idiot didn’t interrupt my Snapchat.
— Arnold (@Schwarzenegger) May 18, 2019
Манифестацијата „Арнолд класик Африка“ се одржува секој мај и има низа случувања, вклучувајќи и бодибилдинг и борбени спортови.
