Во 1980 година, принцезата Дијана се вработила како дадилка за момчето Патрик во американско семејство кое живеело во Лондон во тоа време.
Мајката на момчето не знаела дека осумнаесетгодишната Дијана потекнува од познатата британска аристократска линија Спенсер и дека се забавува со принцот Чарлс, со кого ќе се омажи во јули следната година.
Дијана работела за семејството Робертсон само неколку месеци, три дена во неделата, и никој не бил свесен дека наскоро ќе се соочи со глобалната популарност што ќе ја добие со приклучувањето во кралското семејство.
„Кога Дијана дојде во нашето семејство како срамежлива 18-годишна дадилка, имаше многу мало животно искуство, но знаеше како да работи со деца, така што совршено ја вршеше својата работа“, вели Мери сеќавајки се како седела на подот со Патрик и била фокусирана само на него.
View this post on Instagram
Помеѓу смени, за кои ѝ плаќале само пет долари на час, тренирала за да стане медицинска сестра. Робертсон дознала за аристократското потекло на Дијана дури кога забележала толпа папараци пред куќата кои ја следеле поради свршувачката со принцот Чарлс.
View this post on Instagram
„Дијана беше многу внимателна, сметам дека тоа е нејзината најсилна карактеристика. Сакаше да ги прегрне луѓето, да им пружи допир“, рече Робертсон и откри дека принцезата била топла, полна со доверба и љубов.
„Продолживме да се допишуваме во следните 16 години“, рече таа, откривајќи дека Дијана ѝ испратила десетина писма и честитки во текот на сите тие години, дури сакајќи нејзиното семејство да го посети кралското семејство.
View this post on Instagram
Да потсетиме, Дијана почина во сообраќајна несреќа во 1997 година кога бегаше од папараците, а Роберстон го опишува нејзиниот погреб како најтажниот и најболниот час во нејзиниот живот.
извор: „InsideEdition“
