Тато е најдобриот: ова е сигурно фразата што сите татковци сакаат да ја слушаат од своето дете. Некои деца целото слободно време го поминуваат со таткото, и толку се врзани со нив до тој степен што кога ќе бидат запрашани што сакаат да прават кога ќе пораснат, тие велат: „Тоа што прави тато“.
Татковата фигура, и за момчињата и за девојчињата, го рефлектира најголемиот херој, секогаш е тука кога им треба помош, утеха, уверување и храброст. Но сепак, некои татковци се „поголеми“ татковци од другите, барем според астрологијата.
Еве кои хороскопски знаци се најнадарени да бидат одлични татковци.
Јарец
Татковците родени во знакот Јарец се неверојатно добро-организирани и се сметаат за вистински семејни менаџери. Тие секогаш имаат сè под контрола и се грижат за целата семејна програма. Одлично ги менаџираат и координираат деловните и семејните обврски. Во секое време им се достапни на своите деца, колку и да се зафатени! Практични се, преземаат веднаш иницијатива, веднаш ги решаваат проблемчињата на нивните дечиња.
Водолија
Тоа се креативни татковци со кои на децата никогаш не им е здодевно, полни се со идеи и постојано расположени за креативни игри со децата. Забавни се и од мали нозе им ги пренесуваат своите уметнички таленти на децата.
Рак
Татковците родени во знакот Рак се многу добри, со голема емпатија кон децата, попустливи но многу трпеливи. Сакаат да си играат со децата, и во текот на целиот живот – стојат цврсто зад нив.
Лав
Татковците лавови се меѓунајдобрите татковци. Тие се пример за нивните деца. Можат да бидат строги, но подеднакво – и многу дарежливи. Кога си играат со децата – сами се претвораат во деца. Децата се горди и воодушевени од своите татковци – Лавови.
Девица
Татковците Девици се доверливи, знаат да бидат најдобри пријатели на своите деца и добро ќе ги чуваат нивните тајни. Секогаш се расположени да учат со децата, да им ги проверат домашните задачи. Никогаш не бараат невозможни нешта од децата, и никогаш не ги ставаат под пресија. Сакаат да се шегуваат со децата, презабавни се! И одлични организатори се на детските активности.
Вага
Татковците Ваги се многу приврзани за децата, имаат голема фантазија, сакаат да им помагаат на своите деца, сакаат секогаш да бидат до нив – и навистина се секогаш тука кога е најпотребно.
