Оние кои се занимаваат со астрологија знаат дека вашиот хороскопски знак одредува многу особини на личноста, вклучувајќи амбиција, конкурентност и деловна острина – карактеристики кои обично им помагаат на луѓето да се збогатат. Едно ново истражување покажа кои знаци имаат поголема веројатност да станат милионери и милијардери од другите.
Британските астролози ги анализирале хороскопските знаци на 50-те најбогати луѓе во светот и дошле до заклучок дека претставниците на знаците Овен и Вага најчесто заработуваат милијарди.
Според астрологот Кели Фокс, главните предности на Овенот се нивните лидерски квалитети и конкурентност. Меѓутоа, во исто време, претставниците на овој знак знаат да бидат премногу импулсивни и нетрпеливи. „Решението е да се привлече одговорен, постабилен деловен партнер“, советува експерт во коментар за Express.co.uk
Вагите, напротив, се резервирани и знаат добро да штедат, а имаат и вродена претприемачка жичка. Така, можеби, Овенот кој сака да се збогати треба да бара претставник на знакот Вага како деловен партнер – тогаш тоа ќе биде идеален тандем, каде што секој ќе ги компензира слабостите на другиот.
Меѓу Овните познати по своето богатство се основачот на шпанскиот моден бренд- гигантнот Индитекс, Амансио Ортега, поранешниот извршен директор на Мајкрософт, Стив Балмер и ко-основачот на Гугл, Лери Пејџ. Меѓу Вагите: дизајнерот Ралф Лорен, претседателот на H&M, Стефан Персон и поранешната косопственичка на L’Oréal, Лилиан Бетенкур.
Инаку, Лавовите се на трето место меѓу потенцијалните милијардери. Имаат голема харизма, амбициозни се и често не се стремат само кон богатство, туку и кон слава. Сепак, не сите од нив се способни да преземат вистинска акција за да ги постигнат своите цели. „Некои Лавови можат да станат богати и познати, додека други можат само да сонуваат за тоа, чекајќи некој да дојде и да им го даде на подарок“, објаснува Кели Фокс. Меѓу познатите и богати Лавови се ко-основачот на Гугл, Сергеј Брин и основачот на Оракл, Лери Елисон.
