– Според моменталните анализи со кои располагаме, од среда доцна попладне и навечер нашата територија ќе биде зафатена од нов влажен воздушен бран од запад кој ќе услови нови врнежи од дожд како и пад на температурите на воздухот, вели нашиот метео прогнозер Славчо Попоски.
Локално, и тоа особено во западните предели ќе има услови за нестабилност, проследена со локална појава на грмежи.
Според Попоски, локално врнежите ќе бидат и ПОИНТЕНЗИВНИ и се очекува да наврне ПОЗНАЧИТЕЛНО количество на воден талог.
–Температурите до вторник ќе бидат релативно високи преку ден и ќе се искачуваат во интервалот од 19 до 25 степени, додека од среда па натаму ќе бележат тенденција на опаѓање, заклучува тој.
И во Скопје и околината, од среда навечер па натаму се очекува нова промена на времето и врнежи од дожд. Состојбата БУДНО се следи, и за секоја ново – настаната временска состојба граѓаните НАВРЕМЕНО ќе бидат информирани.
