Данските путер колачиња обично се прават во текот на месецот декември и се дел од данската божиќна традиција. Вообичаено е да се јадат како десерт или да се подаруваат, во хартиени кутии наредени во железни калапи.
Колачињата „Vaniljekranse“ – Ванилјекранс обично се зачинуваат со ванила. Tие се прават во многу форми. Најчестата форма е онаа на круна, но не е невообичаено да ги најдете во форма на переци или розети.
View this post on Instagram
Според неколку извори, колачињата потекнуваат од Шкотска. Првиот печатен рецепт за овие колачиња датира од 1736 година и се припишува на една Шкотланѓанка по име г-ѓа Меклинток.
Во тоа време, колачињата се сметале за луксуз. Затоа тие биле подарувани за посебни прилики како што се Божиќ, свадби или Хогманај – шкотската новогодишна ноќ.
Потребни состојки:
350 гр брашно, просеано
200 г несолен путер, омекнат
160 гр шеќер
1 лажица екстракт од ванила
2 јајца
½ лажичка сол
2 лажици мелени бадеми (по избор)
View this post on Instagram
Постапка:
– Загрејте ја рерната на 180°C и обложете ја тепсијата си хартија за печење.
– Во сад изматете ги омекнатиот путер и шеќерот додека не се добие кремаста смеса. Потоа додадете ги јајцата, ванилата и по желба мелените бадеми и матете 2 минути.
– Додадете го брашното и брзо измешајте сè. Тестото треба да се одлепува од страните на садот, но ќе продолжи да биде малку лепливо. Ако тестото е премногу влажно, додадете многу мала количина брашно, полека. А, ако тестото изгледа премногу суво, додадете многу мала количина млеко, полека.
– Внимавајте да не го замесите тестото премногу, за да се осигурате дека колачињата ќе бидат крцкави.
– Ставете малку тесто во вреќичка, а на плехот за печење обликувајте колачиња.
– Печете 9 до 12 минути, или додека колачињата не почнат да заруменуваат околу рабовите.
– Извадете ги од рерната и почекајте 5 минути пред да ги ставите колачињата на решетка за ладење за целосно да се изладат.
Добар апетит!
(РЕЦЕПТ) ПРАЗНИЦИ ВО ДАНСКА: Пудинг од ориз и вишни кој се јаде на Божиќната ноќ
