Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Во овие ладни утра, Теа ни преглага супер брз појадок, качамак на модерен начин. Иако оригиналниот качамак се подготвува со пченкарно брашно, за да биде побрзо и поедноставно, таа го подготвува со палента.
View this post on Instagram
Потребни состојки:
🥓250 гр. палента
🥓900 мл. млеко или вода
🥓30 гр. путер
🥓1/2 лажичка мешан сув зачин
🥓200 гр. чварки
🥓100 гр. сирење
🥓1 лажица свинска маст
Подготовка:
Во тенџере на оган ставете го млекото да се загрева и во него додадете ги путерот и мешаниот сув зачин. Кога ќе почне да врие млекото намалете ја температурата и со постојано мешање почнете да ја додавате палентата. Варете некоја минута на тивок оган и потоа тргнете го тенџерето од оган. Со помош на лажица направете топчиња и наредете ги во тавче за печење. Измеѓу наредете парчиња сирење и чварки. На крај ставете од свинската маст и ставете го тавчето во загреана рерна на 250 степени 5-10 минути за качамакот да се потпече. Послужете го качамакот со кисело млеко или домашна салца и уживајте во вкусот.
На здравје!
(РЕЦЕПТ) ГОТВИМЕ СО ТЕА: Сочни и неодоливи полнети компири – совршен оброк или мезе
