Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Имам топ рецепт кој верувам дека нема шанси да не ви се допадне – полнети компири со чедар кашкавал и Алфредо сос. Толку се вкусни што ќе сакате секој ден да ги имате на вашето мени, ни вели Теа.
View this post on Instagram
Потребни состојки:
🥔4 големи компири
🥔125гр. моцарела
🥔150гр. чедар кашкавал
🥔100гр. сланина
За Алфредо сос:
🥔50гр. путер
🥔250 мл. неутрална павлака
🥔лук во прав
🥔сол
🥔бибер
🥔100гр. рендан пармезан
Подготовка:
Прво компирите убаво измијте ги и ставете ги да се варат во тенџере со лушпа.
Во тавче ставете ја сланината исецкана на ситни парчиња да се пропржи некоја минута, а потоа додадете ја павлаката. На тивок оган со постојано мешање оставете ја да покрчка додека да се згусне. Посолете, додадете малку бибер и лук во прав и на крај додадете го пармезанот. Промешајте за да се стопи и тргнете го од оган.
Откако ќе бидат сварени компирите пресечете ги на половина и издлабете ја внатрешноста. Внатрешноста измешајте ја со Алфредо сосот и моцарелата, а потоа вратете ја смесата во компирите. Одозгора ставете по неколку парчиња чедар и ставете ги да се печат во загреана рерна на 250 степени околу 15 минути.
На здравје и уживајте!
