Панцит или тестенини е едно од филипинските национални јадења што не смее да изостане на ниту една забава или роденден. Обично се состои од долги, тенки нудли кои се подготвуваат во тава со месо и разни зеленчуци. На прв поглед, малку ве потсетува на шпанска паеља, а понекогаш се служи и со густи јуфки.
Овој специјален рецепт за панцити секогаш се подготвува за родендени и прослави како и за Нова година. Подгответе го и вие, затоа што се верува дека со должината на нудлите поскаувате долг живот и среќа на вашите најмили и гости.
Потребни состојки:
- Половина зелка (исецкана)
- 2 моркови сецкани
- брокула
- пиперка
- масло за готвење
- сецкан лук (количината по желба)
- еден исецкан кромид
- половина пакување нудли
- бибер и сол
- 150 гр пилешки гради
- шкампи
- за крај соја сос
Фото: Приватна архива
Начин на подготовка:
Во подлабок сад за готвење сварете ги нудлите. Исцедете ги од водата. Во длабока тава за пржење ставете масло за готвење. Започнете со пржење на кромидот и лукот. Потоа додадете го пилешкото месо. Откако малку ќе зарумени додадете ги шкампите. Пржете на средна температура со постојано мешање. Откако шкампите ќе омекнат почнете да ги додавате зеленчуците, еден по еден со постојано мешање. Треба само да омекнат не да се препржат. На крај додаете ги нудлите и соја сос ( количината по желба ). Тргнете ја тавата од оганот и оставете ја непокриена 10-тина минути. Сол и бибер додавајте во текот на пржењето, секогаш по малку, се додека не го добиете посакуваниот вкус.
Уживајте и споделете го вашиот филипински панцит!
