– Денес времето во Македонија ќе биде променливо облачно и релативно топло со сончеви периоди. Претпладнево по котлините и по речните долини ќе има појава на магла и на ниска облачност. Ќе дува и слаб до умерен ветер од јужен и од југоисточен правец, и истиот повремено на некои места ќе засилува на интензитет. Температурите ќе се искачуваат во интервалот од 14 до 20 степени, вели нашиот метео прогнозер Славчо Попоски.
Во Скопје и околината претпладнево ќе има појава на ниска облачност, додека во текот на денот времето ќе биде променливо облачно со сончеви периоди. Ќе дува слаб до умерен ветер од југоисточен правец, и истиот повремено ќе засилува на интензитет. Максималната температура ќе се искачи до околу 17 степени.
Според Попоски, до крајот на оваа недела ќе имаме променливо облачно и релативно топло време со сончеви периоди. Повремено ќе има услови за сосема слаб и локален дожд. Ќе дува слаб до умерен, повремено на некои места засилен ветер од јужен и од југоисточен правец. Температурите и тоа поради јужното воздушно струење ќе бидат релативно високи и НАТПРОСЕЧНИ за овој период од годината, и истите ќе се искачуваат во интервалот од 17 до 23 степени, додека за време на викендот понекаде температурите ќе се искачат дури до околу 25 степени.
