Има многу работи за кои не можам да зборувам. Разговаравме за билатералните односи, очекувам негова посета следната година – изјави српскиот претседател Александар Вучиќ по средбата во Париз со неговиот колега Емануел Макрон.
– Ги донесов сите документи кои ги потврдуваат ставовите на Србија, зборував за тоа дека сакаме да се стабилизира ситуацијата, но и за фрустрациите на нашиот народ. Разговаравме за европската перспектива, за сите прашања за соработка меѓу двете земји – рече Вучиќ.
Запрашан дали има можност да се сретне со Аљбин Курти, Вучиќ одговори потврдно, но дека не верува дека тоа ќе се случи.
– Имав добра средба од гледна точка на нашите билатерални односи, а што се однесува до односите со Приштина, не гледам причина да бидам оптимист – рече Вучиќ.
Србите од Косово и Метохија, потсети српскиот претсдеател јасно ги напишаа условите за враќање во институциите во Приштина.
– Многу сме далеку од тоа – изјави тој.
