Што носам во ташната?
„Ех тој Тоше, ех тој Тоше, денес стои пак во ќоше…“. Ако ова стихче не ви е познато, тогаш корисничкото име од Инстаграм @sanjalala сигурно ќе го препознаете. Зад него стои Сања Ристиќ, мајка, жена и вистинска дама.
Сања е мајка на преслатките Иан и Део, сопруга на ракометарот Дејан Пецаковски и жена претприемач, сопственик на „Мои намирници“ (@moinamirnici) и „ХЦИД Спорт“ (@hcidsport). И вежба, луѓе, нон – стоп е во теретана. Плус секогаш е насмеана. Едноставна, а посебна. Исто како нејзината чанта. Во неа секогаш има: пелена (за Део), влажни марамчиња, телефон и паричник. Периодов, поради короната, во ташната додаде и гел за дезинфекција на раце и крема за раце. А поради летото: очила за сонце, лабело, сјај и кармин за усни. Бидејќи сето ова го фотографираше со телефон, телефонот го нема на фотографијата, но секогаш е во ташната на Сања.
М.С
