Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта. Денес Мартина ни направи посен лимон колач.
„Преубав, сочен и одличен колач за со шолја од омиленото кафе или чај. Многу брз и лесен за подготовка и од само неколку состојки кои ги имаме по дома“, вели Мартина.
View this post on Instagram
Потребни состојки:
- 1 пециво
- кора од 1 лимон
- 100мл масло
- 150-200 гр шеќер
- 250гр брашно
- 250мл кисела вода
РЕЦЕПТ) МАРТИНА НИ НАПРАВИ ПАВЛОВА: Одличен десерт за во сабота!
Подготовка:
Потребно е само да ги измешате сите состојки со лажица, вилушка или маталака, нема потреба од миксер. Јас ставив 200 гр шеќер, а можете и помалку. Префрлете ја смесата во мало плехче обложено со хартија за печење @fino.makedonija за полесно и побрзо да го извадите после. Печете го во загреана рерна на 160/180 С околу 1 час. Со чачкалица проверете дали е печено. Извадете го од калапот и оставете го целосно да се излади. Исечете го на парчиња и уживајте во преубавиот мирис и вкус.
На здравје!
