Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Теа денес споделува со сите вас нешто гурманско – мисиркина плескавица во лепче полнета со моцарела!
„Иако за плескавица не е карактеристично да се прави од мисиркино мелено месо, јас ја подготвив и можам да ви кажам дека поубава и посочна плескавица не сум пробала. Тоа што се пече во лепче ѝ дава посебен шмек“, вели Теа.
Потребни состојки:
За плескавица:
- 550 гр мелено мисиркино месо
- 1 јајце
- 1 кромид
- 1 пиперка
- 3 лажици лебни трошки
- 1 лажичка мешан сув зачин
- 1/2 лажичка сол
- 1/2 лажичка благ буковец
- бибер
- 1 моцарела
За тесто:
- 150 гр брашно
- 1/2 кесичка сув квасец
- 1/2 лажичка сол
- 1/2 лажичка шеќер
- 75 мл млака вода
- 30 мл масло
View this post on Instagram
(@gotvime.so.tea)Начин на подготовка:
Во длабок сад ставете го брашното и измешајте го со солта. Во средината направете дупка и во неа ставете ги млаката вода, шеќерот, квасецот и маслото. Измешајте и оформете тесто. Покријте го садот со крпа и оставете го да стасува 20-30 минути. Месото ставете го во длабок сад и во него додадете ги кромидот ситно исецкан, пиперката ситно исецкана, јајцето, лебните трошки и зачините. Убаво измешајте и поделете ја смесата на два дела. Во тавче на мрсна хартија ставете го едниот дел во форма на голема плескавица. Брз неа ставете ја моцарелата и потоа поклопете ја со останатото месо. Формирајте голема плескавица и ставете ја да се пече во загреана рерна на 250 степени 15-20 минути. Од тестото развлечете округла кора. Во средината ставете ја плескавицата и околу затворете ја со тестото. Ставете ја да се пече додека да се испече тестото.
На здравје и уживајте!
