Актерот Вил Смит призна дека еднаш во животот размислувал за самоубиство.
Веста ја споделија светските медиуми по најавата за документарната серија „Will Smith: The Best Shape of My Life“ во соработка со платформата „YouTube“.
Во една сцена во најавата, Смит седи со семејството на маса, вклучувајќи ги и неговите три деца, Џејден, Вилиоу и Треј, и им признава дека во минатото размислувал да стави крај на својот живот.
View this post on Instagram
Смит во својот фитнес документарец од шест дела ќе им го покаже на гледачите својот физички и ментален напредок. Покрај прикажувањето на самите тренинзи, документарецот вклучува и разговор за физичките, емоционалните и психичките препреки на кои актерот наишол со намера да се врати во форма по 50-тата година од животот.
Премиерата е закажана за 8 ноември.
