Освен што изгледа убаво, овој ролат ќе ве освои и со својот вкус…
Потребно ви е:
4 јајца, 80 гр брашно, малку прашок за печиво, 40-50-мл масло, 50-100 гр шеќер, 50 мл млеко, 1 лажица какао.
Фил:
1 пудинг од ванила, 1 ванилин шеќер, 300 мл млеко, 50 грама, маргарин, 1 лажица шеќер во прав.
Подготовка:
Изматете ги јајцата со шеќерот и додадете го брашното со прашокот за печиво, маслото, млекото, па сето тоа добро изедначете го. Поделете ја смесата на половина. Во едната додадете какао и добро измешајте. Плехот обложете го со хартија за печење, па најпрвин сипете го светлиот дел, па израмнете го, а одозгора додадете го темниот дел па полека израмнете. Со долниот дел од лажицата размешајте движејќи ја лажицата во сите страни низ плехот, а потоа протресете. Печете на 190 степени околу 15-20 минути.
Печениот ролат истресете го на работната маса и завиткајте го да се олади. Изматете го маргаринот со шеќерот во прав. Сварете го пудингот, засладете го по желба и оладете го. На крај изматете го со сматениот маргарин.
Премачкајте го ролатот и завиткајте го повторно и оставете го да се излади 2-3 часа.
Целата постапка погледнете ја во следното видео…
