Состојки:
– 20 печурки шампињони
– 2 чешниња лук
– 4 шолји свеж спанаќ
– 220 грама крем сирење
– сол, бибер
– 1/4 шолја пармезан
– 1/4 шолја презла
Подготовка:
Измијте ги шампињоните и одвојте ги стебленцата од капите на шампињоните. Наредете ги капите на намачкан со масло плех за печење, а стебленцата од шампињоните ситно исечкајте ги и испржете ги во тава на блага температура. Исечканите стебленца од печурките пржете ги со лукот, а потоа додајте ги спанаќот, крем сирењето, солта и биберот. Кога состојките убаво ќе се испржат и соединат, земете една лажица од добиената смеса и наполнете ги капите од печурките. Наполнетите печурки посипете ги со презлата и пармезанот, а потоа печете ги на 190 степени околу 12 до 15 минути.
