Кујната на „Cooking with Branko“ го сервираше вкусниот и здрав чизкејк со тиква кој стана вистински хит на Инстаграм. Доста необичен рецепт кој вклучува комбинација на маскарпоне и тиква. Тиквата е дефинитивно кралица на сите есенски јадења и непресушен извор за гурманите, а еве ја и во највкусниот есенски чизкејк.
„Чизкејк со тиква? Чизкејк со тиква и БЕЗ ШЕЌЕР? Посен чизкејк со тиква? Чизкеј со тиква кој не се пече? – Сакам! И јас сакам!“
(ФОТО+РЕЦЕПТ) ШЕФ БРАНКО ПОПОСКИ: Пробајте го слаткото од црвена пиперка!
Состојки
За долниот дел:
- 100гр. кокосово масло
- 150гр. мелени бисквити без шеќер и млеко
- Цимет и морско оревче
- Мелени бадеми (100гр.)
- 1 цеден портокал
За кремот:
- 300гр. веганско маскарпоне
- 1 мала печена тиква
- 2 големи лажици мед/маџун
- 1 лажичка екстракт од ванила
- 100мл. кокосово млеко
- 50-80гр. мелени ореви
За декорација: Замрзнати малини и сок од роза
Начин на подготовка
Во тенџере додадете ги состојките за подготовка на долниот дел од тортата. Формирајте смеса која ќе ја притиснете со рацете за киш тавчето за да се формира убава кора. Оставете ја смесата во фрижидер околу 10 минути.
Во длабок сад додадете го маскарпонето, печената тиква и почнете да матите со миксерот. Постепено додадете ги и останатите состојки. Ќе добиете хомогена смеса која пред да ја ставите врз кората, гледајте да биде стегната односно зацврстена.
Врз кремот од маскарпоне и тиква додадете малини (замрзнати) и капки сируп од роза.
Есен е, препуштете се на максимално задоволство и уживање со парче вкусна и здрава торта.
(ФОТО+РЕЦЕПТ) ШЕФ БРАНКО ПОПОСКИ: Засладете си ја душата со чизкејк со слатко од зелени смокви
