Солените стапчиња можат да бидат многу повкусни доколку ги подготвите во домот според овој рецепт…
Потребно ви е:
За тестото:
– 200 мл млеко
– 1 јајце
– 1 жолчка
– 20 гр квасец
– 350 гр брашно
– 1 лажица шеќер
– 2 лажици масло
– малку сол
За филот:
– 200 гр меко сирење за премачкување
– 150 гр маслинки
– крупна сол
– црн сусам
Подготовка: Замесете тесто од наведените состојки, освен жолчката. Оставете го да одмори и нарасне и развијте кора со дебелина од 2 сантиметри во вид на правоаголник.
Премачкајте го тестото со сирење и посипете го со сецкани маслинки и црн сусам.
Исецкајте го тестото на ленти кои потоа ќе ги завиткате. Редете ги оформените ленти во подмачкан плех. Премачкајте ги со жолчка и посипете со крпна сол и ким. Печете на 200 степени околу 30 минути убаво да заруменат.
