5.8 C
Скопје
21:27 - 30 ноември, 2022

(Фото) Дворчето на Саве е атракција во Германија: „Ги сакам цвеќињата, ги сакам и луѓето“

Разговараме со струмичанката Саве Митева на нашата омилена тема – цвеќињата.

Саве е од Муртино, а нејзиниот сопруг од Босилово. Од пред седум години тие живеат во Маннхеим, Германија.

– Јас моментално не работам поради обврски со синчето, го испраќам и земам од учиилиште. Откако се преселивме тука, почнав да одгледувам цвеќинка, бидејќи терасичката беше тажна само со зеленило, па одлучив да ја развеселам – се смее Саве и додава – затоа кај нас преовладува шаренило од цвеќиња .Така нашето мини дворче стана мала атркција во нашето место на живеење, луѓето застануваат, разгледуваат, фотографираат…љубовта кон цвеќињата ја имам од секогаш и мислам дека не постои човек кој не ги сака цвеќињата- ни вели Саве.

Кој е одговорен за уредување на дворчето?

– За уредувањето на нашето дворче сум задолжена јас, секако тука е и мојот сопруг кога треба да се купат цвеќињаа, земја, саксии, кога треба да се направи некоја сталажа за цвеќињата…

Нашата терасиска како што јас си ја викам е околу 30м2 и уште 20тина м2 мала градина каде што имам посадено цвеќе во земја и цвеќе кое бара повеќе сонце.

Колку време дневно бара посветеност оваа убавина?

– Секое слободно време го поминувам со цвеќињата, од наутро обавезно ги поминувам сите и ги чистам од сувите цветови, доцна попладне ги полевам, а најмногу време ми треба кога ги прихранувам, отприлика 2 часа, бидејќи имам околу 500 саксии.

Кои цвеќиња доминираат?

– Најзастапени цвеќиња кај мене се воденките, секоја година ги садам и за мене се едни од најблагодарните цвеќиња, цело време си цветаат. Секако, имам и други, како сардели, дипладенија, каланхое, циклами, 1001 цвет, каранфилче…едноставно се што ќе видам сакам да имам (се смее, н.з). Имам и многу собни цвеќиња, повеќето од нив летно време ги чувам надвор. Морам да кажам дека бегониите ми се најомилено цвеќе.

Кои се најпогодни за сонце, а кои за под сенка? 

– Најпогодни за на сонце се сарделите, дипладенијата, 1001 цвет, петунии, а за места кои се во сенка најидеални се воденките. Мое лично видување е дека ни еднио цвеќе не сака цел ден да биде изложено на сонце, најпогодно место е шарена сенка.

Кој ви е најголемиот предизвик кога дворот е во прашање?

–  Хм, најголем предизвик, ако тоа се смета за предизвик, за мене е како да ги зачувам цвеќињата кога си доаѓаме еден месец во Македонија. Најчесто тоа е во август.
За тоа е задолжен мојот сопруг кој поставува систем за самонаводнување. Но сепак, тоа е долг период кога цвеќињата се оставени сами на себе и некои од нив не преживуваат.Но да сме здрави и живи, цвеќиња се купуваат.

Еден градинарски совет за оние кои сакаат да почнат со одгледување на цвеќиња, од кои цвеќина да почнат?

– Мој совет до сите што сакаат да одгледуваат цвеќиња е воопшто да не се двоумат, тоа е најрелаксирачка работа. Со било кое цвеќе да започнат нема да погрешат. Јас научив многу работи за цвеќињата од групата Дворчето во која сум член, ги следам објавите и ги читам советите од членовите.

Инаку, Саве е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!

Уживајте во фотогалеријата.

Фото – приватна архива

(Фото сторија) Македонски пресладок двор во Германија: Валерија ни покажа како да се уреди мал простор

 

Слични објави

Ова не е фотомонтажа, Ванда Нара се врати во прегратките на Икарди ФОТО

Еспресо

(ВИДЕО) Местото каде што ѕвездите „отвораат душа“: Панчо – ДНК во „Ништо лично“

Антонио Димитриевски

(Фото) Канадскиот голман има жена Србинка – неверојатна убавица, но еве зошто им се лути хрватските навивачи во Катар

Еспресо

Филмот „Сам дома“ и ликот на Кевин оставија траен печат кај Британците – избран е за најдобар на сите времиња

Еспресо

(Фото) Србинката Наташа го има најголемиот задник во светот, го одржува со пици и слатки, обожавателите ширум светот ѝ се восхитуваат, а таа си бара момче!

Еспресо

Првата дама на Франција Брижит Макрон елегантна како и секогаш – од глава до пети во беж боја ФОТО

Еспресо
Се вчитува....