„Од почетокот на јуни, руската висока команда најверојатно отстранила бројни генерали од оперативните командни улоги во војната во Украина. Меѓу нив се командантот на Воздухопловните трупи (ВДВ), генерал-полковник Андреј Сердјуков и командантот на групацијата на јужните сили, армискиот генерал Александар Дворников, кој веројатно бил командант на сите операции одреден период“. Ова го изјави британското разузнавање во ажурирањето на податоците за војната во Украина.
„Веројатно е дека командата на Групацијата на јужните сили ќе му припадне на генерал-полковник Сергеј Суровикин“, заклучува разузнавањето, нагласувајќи дека „кариерата на Суровикин е извалкана со обвинувања за корупција и бруталност“.
